
اسلام آباد۔ 4 جولائی (اے پی پی) صدر مملکت آصف علی زرداری شمالی وزیرستان دے علاقے حسن خیل اچ بھارتی حمایت یافتہ 30 خوارج جہنم واصل کرݨ تے سکیورٹی فورسز کوں خراج تحسین پیش کریندیں ہوئیں دہشت گرداں دے مکمل خاتمے تئیں سکیورٹی فورسز دی کاروائیاں جاری رکھݨ دے عزم دا اعادہ کیتے۔ ایوان صدر دے پریس ونگ توں جمعہ کوں جاری بیان اچ صدر مملکت انٹیلیجنس تے مبنی کارروائیاں دے دوران فتنہ الخوارج دے 30 دہشت گرداں دا قلع قمع کرݨ تے سکیورٹی فورسز دی بہادری دی تعریف کیتی۔ انہاں آکھیا جو دہشت گرداں دے مکمل خاتمے تئیں سکیورٹی فورسز دی کاروائیاں جاری رہسن۔ صدر مملکت آکھیا جو پاکستان دی سکیورٹی فورسز دا بھارتی حمایت یافتہ دہشت گرداں دے خاتمے کیتے کامیاب کاروائیاں کرݨ خوش آئند اے۔ صدر مملکت آکھیا جو دہشت گرد عناصر دے خاتمے، ملکی دفاع کیتے اساݙا عزم غیر متزلزل رہسی۔ صدر مملکت فتنہ الخوارج دے مکمل خاتمے دے قومی عزم دا وی اظہار کیتا۔