خان کنڈی۔ 4 جولائی (اے پی پی) وزیراعظم محمد شہباز شریف بھارتی حمایت یافتہ دہشت گرد فتنہ الخوارج دے دہشت گرداں ولوں ضلع شمالی وزیرستان دے علاقے حسن خیل اچ پاکستان-افغانستان بارڈر تے دراندازی ناکام بݨاوݨ تے سکیورٹی فورسز کوں خراج تحسین پیش کیتا۔ جمعہ کوں وزیراعظم آفس دے میڈیا ونگ توں جاری بیان موجب وزیراعظم دراندازی دی کوشش ناکام بݨیندیں ہوئیں 30 خوارجی دہشت گرداں کوں ہلاک کرݨ تے سکیورٹی فورسز دی تعریف کیتی۔ وزیراعظم آکھیا جو پاکستان دی بہادر افواج ملک دی حفاظت کیتے سیسہ پلائی ہوئی دیوار وانگ کھڑین اَتے پوری قوم سکیورٹی فورسز کوں سلام پیش کریندی اے۔ انہاں آکھیا جو اساں ملک توں ہر قسم دی دہشت گردی دے مکمل خاتمے کیتے پُرعزم ہِیسے۔
