خانکندی۔ 4 جولائی (اے پی پی) وزیراعظم محمد شہباز شریف ایشین یوتھ گرلز نیٹ بال چیمپئن شپ 2025 اچ پاکستان دی کامیابی تے ٹیم اَتے قوم کوں مبارخ ݙیندیں ہوئیں آکھیا جو اے فتح پوری قوم کیتے ہک قابل فخر لمحہ اَتے کھیݙاں اچ پاکستانی تریمتیں کیتے ہک ٻیا وݙا سنگ میل اے۔ جمعہ کوں “ایکس” تے آپݨی پوسٹ اچ وزیراعظم ٹیم کوں شاندار کھیݙ تے شاباش ݙتی۔ انہاں پورے ٹورنامنٹ اچ ناقابل شکست رہݨ تے ٹیم دی خصوصی طور تے تعریف وی کیتی۔ واضح رہے جو پاکستان ایشین یوتھ گرلز نیٹ بال چیمپئن شپ اچ شاندار کارکردگی دا مظاہرہ کریندیں ہوئیں فائنل اچ مالدیپ کوں ہرا تے ٹائٹل آپݨے ناں کیتا۔
