کراچی۔ 4 جولائی (اے پی پی) صدر مملکت آصف علی زرداری کراچی اچ عمارت ݙھاوݨ دے سانحے تے ݙُکھ تے افسوس کیتے اتے سندھ حکومت کوں امدادی سرگرمیاں تیز کرݨ دی ہدایت کیتی۔ ایوان صدر دے پریس ونگ توں جمعہ کوں جاری بیان اچ صدر مملکت جاں بحق تھیوݨ آلیاں دے ٹٻراں نال دلی تعزیت اَتے ہمدردی دا اظہار کیتا۔ صدر مملکت زخمیاں دی جلدی صحتیابی اَتے بحالی دی دعا کیتی۔ صدر مملکت سندھ حکومت کوں امدادی سرگرمیاں تیزکرݨ دی ہدایت کیتی۔ صدر مملکت متاثرہ لوکاں کوں فوری ریسکیو کرݨ اَتے ملبے تلوں پھتے لوکاں کوں کݙھݨ دی ہدایت کیتی۔ صدر مملکت حادثے دی وجوہات دا فوری تعین کرݨ اَتے مستقبل اچ ایجھے واقعیاں توں بچاؤ کیتے مؤثر اقدامات دی وی ہدایت کیتی۔
