اسلام آباد۔ 4 جولائی (اے پی پی) وفاقی وزیر داخلہ محسن نقوی کراچی وچ عمارت ݙھݨ نال قیمتی انسانی جاناں دے ضیان تے ݙکھ تے افسوس کیتے ۔ وزارت داخلہ توں جاری بیان موجب وزیر داخلہ محسن نقوی جاں بحق تھیوݨ آلیں دے لواحقین نال ہمدردی اَتے تعزیت کیتی اتے زخمیاں دی وختی صحت یابی سانڳے دعا کیتی۔وزیر داخلہ آکھیے جو ملبے تلے دٻیے لوکاں دیاں جاناں عزیز ہن اَتے انہاں دی سلامتی اَتے زندگی کیتے دعا گو ہیسے۔ محسن نقوی آکھیے جو امید اے جو ملبے تلے دٻیے لوکاں کوں باحفاظت ریسکیو کرݨ دیاں کوششاں کامیاب تھیسن وزیر داخلہ آکھیے جو کراچی وچ عمارت ݙھݨ دے واقعے تے دلی ݙُکھ اَتے افسوس اے، ساریاں ہمدردیاں جاں بحق تھیوݨ آلیں دے لواحقین اَتے زخمیاں دے رلے ہیسے ۔محسن نقوی آکھیے جو ݙُکھے ویلھے ݙکھی خاندان دے رلے کھڑوں۔
