اسلام آباد۔ 4 جولائی (اے پی پی) سپیکر قومی اسمبلی سردار ایاز صادق کراچی وچ رہائشی عمارت ݙھݨ دے واقعے تے اظہارِ افسوس کریندے ہوئیں واقعے وچ قیمتی انسانی جاناں دے ضیان تے ݙکھ تے افسوس کیتے۔ اپݨے تعزیتی سنھیے اچ انہاں جاں بحق تھیوݨ آلیں دے لواحقین نال دلی ہمدردی اَتے تعزیت کیتی تے آکھیے جو ݙکھی خانداناں دے ݙُکھ وچ برابر دے شریک ہِیسے۔سپیکر قومی اسمبلی زخمی تھیوݨ آلیں دی وختی صحت یابی سانڳے دعا منڳی انہاں ریسکیو ٹیماں کوں امدادی کاروائیاں وختی مکمل کرݨ دی ہدایت کریندے آکھیے جو زخمیاں کوں بہترین طبی سہولتاں ݙتیاں ونڄن۔ سپیکر قومی اسمبلی جاں بحق تھیوݨ آلیں دے اچے درجات تے لواحقین سانڳے صبر دی دعا منڳی۔
