اسلام آباد۔ 4 جولائی (اے پی پی) صدر مملکت آصف علی زرداری ایشین یوتھ گرلز نیٹ بال چیمپئن شپ جتݨ تے پاکستانی ٹیم کوں دلی مبارخ ݙتی اے۔ ایوان صدر دے پریس ونگ توں جاری بیان وچ صدر مملکت پاکستانی کھݙاریاں دی مالدیپ دے خلاف 35-60 دی شاندار فتح دی تعریف کیتی تے آکھیے جو قومی ٹیم جنوبی کوریا وچ ایشیائی چیمپئن بݨ تے پاکستان دا ناں روشن کیتے۔ صدر مملکت آکھیے جو پاکستانی ٹیم غیر معمولی صلاحیتاں دا مظاہرہ کیتا، امید اے جو مستقبل وچ ٹیم مزید کامیابیاں حاصل کریسی۔
