اسلام آباد۔ 4 جولائی (اے پی پی) وفاقی وزیر قومی غذائی تحفظ و تحقیق رانا تنویر حسین دی زیر صدارت ہک اعلیٰ سطحی اجلاس منعقد تھیا جیں دا مقصد ملک وچ کپاہ دی پیداوار ودھاوݨ کیتے جاری اقدامات دا جائزہ ڳِھن تے انہاں وچ تیزی گھن آوݨ ہئی۔ ایں موقع تے وزارت دے سینئر افسران، صوبائی محکمہ ہائے زراعت دے نمائندگان، تحقیقی ماہرین اَتے کپاہ پیدا کرݨ آلے اہم علاقیں توں تعلق رکھݨ آلے فریقین شرکت کیتی۔اجلاس توں خطاب کریندے وفاقی وزیر آکھیا جو کپاہ پاکستان دی زرعی معیشت وچ ریڑھ دی ہݙّی دی حیثیت رکھدی اے اَتے ملکی ٹیکسٹائل صنعت کیتے خام مال دا ہک وݙا ذریعہ اے۔ انہاں ایں ڳالھ تے تشویش دا اظہار کیتا جو گزریل کجھ سالاں دے دوران کپاہ دی فی ایکڑ پیداوار وچ کمی واقع تھئی اے اَتے ایں رجحان کوں روکݨ کیتے مربوط اَتے ہدفی حکمت عملی اپناوݨ دی وختی لوڑھ اے ۔ انہاں حکومت دے ایں عزم دا اعادہ کیتا جو کپاہ دی پیداوار وچ بہتری کیتے کسان دوست پالیسیاں، تحقیق تے مبنی حل اَتے زرعی خدمتاں دی بہتری کوں یقینی بݨایا ویسی۔
