اسلام آباد۔ 4 جولائی (اے پی پی) وزیراعظم محمد شہباز شریف پاکستان دے عوام اَتے حکومت دی طرفوں صدر ڈونلڈ ٹرمپ، امریکی انتظامیہ اَتے عوام کوں یوم آزادی دی مبارخ ݙتی ۔ سوشل میڈیا ‘ایکس’ تے اپݨی پوسٹ وچ انہاں آکھیا جو “پاکستان دے عوام اَتے حکومت دی طرفوں میں صدر ڈونلڈ ٹرمپ، امریکی انتظامیہ اَتے امریکہ دے عوام کوں انہاں دے یوم آزادی تے دلوں مبارخ پیش کرینداں”۔انہاں آکھیا جو پاکستان امریکہ نال اپݨی پراݨی شراکت داری کوں ٻہوں اہمیت ݙیندے تے آوݨ والے سالاں وچ اساݙے ݙو طرفہ تعلقات کوں مزید تکڑا بݨاوݨ کیتے پُرعزم اے، اساکوں امریکہ نثراد پاکستانی شہریاں تے وی ماݨ اے جو ݙوہیں ملکاں وچال ہک اہم پُل دا کم کریندے پئن۔
