خانکندی۔4 جولائی (اے پی پی) وزیراعظم محمد شہباز شریف اَتے ترکیہ دے صدر رجب طیب ایردوان پاکستان اَتے ترکیہ وچال سارے اہم شعبیں وچ تعلقات کوں بامعنی طور تے اڳوں ودھاوݨ دے اپݨے عزم کوں دہرائے۔ ݙوہیں رہنماواں تجارت، دفاع، توانائی، علاقائی رابطیں اَتے سرمایہ کاری دے شعبیں وچ تعاون کوں مزید تکڑا کرݨ تے زور ݙتا۔وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف دی ترکیہ دے صدر رجب طیب ایردوان نال 17ویں اقتصادی تعاون تنظیم (ای سی او) دے سربراہی اجلاس دے موقع تے ملاقات تھئی۔ ݙوہیں رہنماواں ترکیہ-پاکستان ݙو طرفہ تعلقات دا ہک جامع جائزہ ڳِھدا اَتے اہم علاقائی پیش رفت تے گالھ مہاڑ کیتی۔ایں مقصد کیتے ملاقات وچ ݙوہیں ملکاں وچال اعلیٰ سطحی وفد دے تبادلے تے اتفاق تھیا تاں جو ݙوہیں رہنماواں دے درمیان طے تھیوݨ آلی مفاہمت کوں وختی حتمی شکل ݙتی ونڄ سڳے۔ وزیراعظم شہباز شریف خطے وچ امن، استحکام اَتے پائیدار ترقی دے مشترکہ اہداف کوں اڳوں ودھاوݨ کیتے ترکی نال رَل تے کم کرݨ کیتے پاکستان دے غیر متزلزل عزم دا اعادہ کیتے۔
