اسلام آباد۔ 4 جولائی (اے پی پی( چیئرمین سینیٹ سید یوسف رضا گیلانی اَتے قائم مقام چیئرمین سینیٹ سینیٹر سیدال خان کراچی دے علاقے لیاری وچ رہائشی عمارت دے ݙھݨ دے المناک سانحے تے ݙکھ تے افسوس کیتے ، ایں دلخراش واقعے وچ کئی لوک جاں بحق اَتے زخمی تھی ڳئن۔سینیٹ سیکرٹریٹ موجب چیئرمین سینیٹ سید یوسف رضا گیلانی جاں بحق تھیوݨ آلے لوکاں دے اہل خانہ نال دلی تعزیت اَتے ہمدردی دا اظہار کریندے آکھیے جو ایں اندوہناک سانحے نہ صرف متاثرہ خانداناں بلکہ پوری قوم کوں ݙکھی کر ݙتے۔ انہاں دعا کیتی جو اللہ تعالیٰ جاں بحق تھیوݨ آلے لوکاں کوں جوارِ رحمت وچ جاء ݙیوے، لواحقین کوں صبر جمیل عطا فرماوے اَتے زخمیاں کوں وختی صحتِ کاملہ عطا کرے۔قائم مقام چیئرمین سینیٹ سیدال خان متاثرہ خانداناں نال اظہار یکجہتی کریندے ایں ڳالھ تے زور ݙتا جو حکومت اَتے متعلقہ ادارے وختی امدادی کاروائیاں تکھیاں کرن، زخمیاں کوں معیاری طبی سہولتاں ݙتیاں ونڄن تے متاثرہ لوکاں دی مکمل بحالی کیتے ہر ممکن تعاون کیتا ونڄے۔
