
لاہور۔ 5 جولائی (اے پی پی) وزیراعظم محمد شہباز شریف کیپٹن کرنل شیر خان شہید (نشان حیدر) دے 26ویں یوم شہادت تے خراج عقیدت پیش کریندے آکھیے جو کیپٹن کرنل شیر خان شہید کارگل دے محاذ تے بے مثال بہادری، جرأت اَتے شجاعت دا مظاہرہ کیتے جیں دی دشمن وی تعریف کیتے بغیر نہ رہ سڳیا۔ وزیراعظم دفتر دے پریس ونگ ولوں جاری اپݨے سنھیے اچ ، وزیراعظم محمد شہباز شریف آکھیے جو کیپٹن کرنل شیر خان شہید وطن نال وفاداری، فرض شناسی اَتے وطن دے دفاع کیتے اپݨی جان دی پرواہ کیتے بغیر لڑݨ دی ایجھی مثال قائم کیتی جو رہندی دنیا تئیں یاد رکھی ویسی۔ انہاں آکھیا جو کیپٹن کرنل شیر خان شہید نشانِ حیدر اَتے انہاں دے اہلِ خانہ پوری قوم کیتے قابل فخر ہن، میں سودھے پوری قوم پاک فوج دے جواناں دے ملک دی حفاظت دے غیر متزلزل عزم کوں سلام پیش کریندی اے۔ وزیراعظم آکھیا جو افواجِ پاکستان دیاں ملک دے دفاع دی خاطر لازوال قربانیاں ہن۔