اسلام آباد۔ 5 جولائی (اے پی پی) وفاقی وزیر داخلہ محسن نقوی تونسہ دے نیڑے فتنہ الہندوستان دے دہشت گرداں دے خلاف کامیاب کارروائی تے پنجاب پولیس اَتے سی ٹی ڈی کوں خراج تحسین پیش کیتے۔ وزارت داخلہ توں جاری بیان موجب وزیر داخلہ آکھیے جو پنجاب پولیس اَتے سی ٹی ڈی ہک واری ول فتنہ الہندوستان دے 5 دہشت گرداں کوں جہنم واصل کیتے۔ وفاقی وزیر داخلہ محسن نقوی پولیس اَتے سی ٹی ڈی ٹیم دی پیشہ ورانہ صلاحیتاں دی تعریف کیتی تے آکھیے جو فتنہ الہندوستان دے دہشت گرداں دا ہر جاہ تے پِیچھا جاری رکھیسوں۔ انہاں آکھیے جو پنجاب پولیس اَتے سی ٹی ڈی دے بہادر سپوتاں پہلے وی دلیری نال خوارجی دہشت گرداں دے خلاف نمایاں کامیابیاں ڳھدن ۔ محسن نقوی آکھیے جو پنجاب پولیس اَتے سی ٹی ڈی خوارجی دہشت گرداں دے مذموم عزائم کوں مٹی اچ رلائے ۔ وزیر داخلہ آکھیے جو پنجاب پولیس اَتے سی ٹی ڈی دے بہادر اَتے پروفیشنل سپوتاں تے ماݨ اے۔
