اسلام آباد۔ 5 جولائی (اے پی پی) صدر مملکت آصف علی زرداری کیپٹن کرنل شیر خان شہید (نشانِ حیدر) کوں خراج عقیدت پیش کیتا اَتے آکھیا جو شہداء دی قربانیاں اساݙی آزادی، خودمختاری اَتے سلامتی دی ضمانت ہن۔ ایوان صدر دے پریس ونگ ولوں جاری بیان وچ صدر مملکت آکھیا جو کیپٹن کرنل شیر خان شہید ڈشمن دے خلاف بے مثال جرأت، بہادری اَتے قربانی دا مظاہرہ کیتا۔ صدرِ مملکت آکھیا جو شہید دی قربانی اساݙی قومی تاریخ دا روشن باب اے، جیڑھا ہمیشہ یاد رکھیا ویسی۔صدر آصف علی زرداری آکھیا جو کیپٹن کرنل شیر خان شہید مادرِ وطن دے دفاع کیتے اپݨی جان دا نذرانہ ݙے تے سچے سپاہی ہووݨ دا ثبوت ݙتا، قوم کیپٹن کرنل شیر خان شہید دی قربانی، بہادری اَتے فرض شناسی کوں ہمیشہ ماݨ نال یاد رکھیسی۔ صدر آصف علی زرداری آکھیا جو شہداء دی قربانیاں اساݙی آزادی، خودمختاری اَتے سلامتی دی ضمانت ہن، کیپٹن کرنل شیر خان شہید دی عظمت اَتے شجاعت کوں سلام پیش کریندوں۔
