لاہور۔ 6 جولائی (اے پی پی) وزیر اطلاعات و ثقافت پنجاب عظمیٰ زاہد بخاری یوم عاشورہ دے موقع تے اپݨے پیغام وچ آکھیے جو10 محرم الحرام صبر، قربانی اَتے حق دی سربلندی دا ݙینھ اے۔ انہاں آکھیا جو حضرت امام حسین دا پیغام صرف ہک عقیدہ نی پوری انسانیت دے ضمیر دی آواز اے اَتے باطل دے سامݨے خاموشی نی بلکہ حق کیتے ڈٹّ ونجݨ ای اصل وفا اے۔انہاں آکھیا جو پنجاب حکومت عزاداری دے پرامن انعقاد کیتے ساریاں سہولتاں ݙتن ، آؤ اساں ایں ݙینھ کوں اتحاد، رواداری اَتے امن دے عہد دے نال گزاروں اَتے فرقہ واریت کوں ہوا ݙیوݨ آلے عناصر توں مکمل لاتعلقی اختیار کروں۔
