کراچی۔ 6 جولائی (اے پی پی) پاکستان پیپلز پارٹی دے چیئرمین بلاول بھٹو زرداری آکھیے جو یوم عاشورہ اساکوں حق و باطل، انصاف اَتے ظلم دے درمیان لازوال جدوجہد دی یاد ݙویندے۔ انہاں آکھیا جو کربلا وچ حضرت امام حسینؓ، انہاں دے اہل خانہ اَتے ساتھیاں دی عظیم قربانی ظلم دے خلاف کھڑے تھیوݨ اَتے حق تے ثابت قدم رہݨ آلیں کیتے مشعل راہ اے۔پی پی پی دے چیئرمین مزید آکھیا جو حضرت امام حسینؓ دی شہادت اسلامی تاریخ دا صرف ہک باب کائنی بلکہ اساݙے ایمان دی روح، ہمت، قربانی اَتے ظلم دے خلاف مزاحمت دی علامت اے۔ انہاں آکھیا جو کربلا اساکوں سکھیندے جو ظلم دے سامݨے کݙاہیں وی نہ جُھکو بھاویں او کتنا ہی طاقتور کیوں نہ ہووے۔ انہاں قوم تے زور ݙتا جو او عاشورہ کوں عقیدت، وقار اَتے سارے مکاتب فکر دے احترام نال مناوَن۔ انہاں مزید آکھیا جو آؤ اساں ناانصافی، فرقہ واریت اَتے خوف توں پاک پاکستان دی تعمیر کیتے حضرت امام حسینؓ دی میراث توں طاقت حاصل کروں۔
