لاہور۔ 6 جولائی (اے پی پی) وزیراعلیٰ پنجاب مریم نواز یوم عاشورہ تے اپݨے پیغام وچ آکھیے جو حضرت امام حسین اَتے انہاں دے جلیل القدر رفقا کوں سلام پیش کریندوں ، اہل بیت نال محبت ہر مسلمان دے عقیدے اَتے ایمان دا جز اے، حضرت امام حسین دی شہادت امر کر ݙتا جو تخت و تاج فانی اے اصول اَتے ایمان باقی ہن۔شہادت حسین محض رنج و الم دا استعارہ نی بلکہ تحریک حیات اے، حسن اَتے حسین حضرت محمد ﷺ دے ݙو پھُل ہن، حضرت امام حسین دی جدوجہد دا بنیادی ہدف ظلم و جبر اَتے انسانی حقوق دی پامالی دے خلاف سِینہ سپر تھیوݨ دے شعور کوں بیدار کرݨ ہئی۔ انہاں آکھیا جو حضرت امام حسین اَتے انہاں دے جانثار ساتھیاں دی عظیم قربانی تاریخ عالم دا درخشاں باب اے، شہداء کربلا دی یاد تا ابد مظلوم قوماں کوں حوصلہ اَتے ولولہ عطا کریندی رہسی، مٹاوݨ آلے خود مِٹ ڳئے، حضرت امام حسین اَتے انہاں دے ساتھی ہمیشہ کیتے امر تھی ڳئے۔ حضرت امام حسین دی شہادت دی صدائے انقلاب ہر دور وچ بُلند تھیندی رہی اے اَتے رہسی۔ وزیراعلیٰ آکھیا جو نواسہ رسول ﷺ دی جدوجہد ظلم اَتے جبر دے خلاف سِینہ سپر تھیوݨ دا ابدی پیغام اے، یوم عاشور تے اساکوں حضرت امام حسین دی درخشاں تعلیمات موجب عمل کرݨ دا اعادہ وی کرݨا اے۔ وزیراعلیٰ پنجاب آکھیا جو واقعہ کربلا حق گوئی اَتے ظلم دے خلاف آواز دی جرأت دی ترغیب ݙیندے، محرم الحرام اساکوں انفرادی و اجتماعی فلاح اَتے سانجھے اتحاد دا پیغام ݙیندے۔
