سیالکوٹ۔ 6 جولائی (اے پی پی) وفاقی وزیر دفاع خواجہ محمد آصف آکھیے جو کربلا ٻہوں وݙا سبق اے جئیںتے دین دی آن اَتے شان تے آل رسول قربان تھی ڳئی۔ سیالکوٹ وچ میڈیا نال ڳالھ مہاڑ کریندے انہاں آکھیا جو غزہ وچ 70 ہزار مسلمان مرد اَتے ٻال شہید تھی چُکن۔ غزہ دے مسلماناں تے جیڑھی کربلا ترٹ پئی اے، اوں دا سدباب کیتا ونڄے، مسلمان خاص طور تے حکمران طبقہ اپݨی ذمہ واری محسوس کرے ۔ انہاں آکھیا جو اڄ یوم عاشور تے اساکوں یاد رکھݨا چاھیدے جو اوں ویلھے کیا تھیا اڄ کیا تھیندا پئے۔ فلسطینی ٻال اَتے بُڈّھے بھُک دی خاطر لائناں وچ کھڑے تھیندن اَتے انہاں تے فائرنگ کر ݙتی ویندی اے، اے صورتحال وختی توجہ دی لوڑھ رکھیندی اے۔
