اسلام آباد۔ 7 جولائی (اے پی پی) وفاقی وزیر داخلہ محسن نقوی آکھیا جو اللہ تعالٰی دے فضل تے کرم اَتے حکومتی اقدامات نال عاشورہ محرم الحرام پر امن رہیا، بھائی چارے اَتے بین المسالک ہم آہنگی دے فروغ اچ علمائے کرام دا کردار قابل ستائش اے، فورسز جانفشانی اَتے ہم آہنگی نال فرائض سر انجام ݙتے اَتے عزاداراں دے جلوساں تے مجالساں کوں فول پروف سکیورٹی فراہم کیتی، سب کوں خراج تحسین پیش کریندن۔سنوار کوں وزارت داخلہ توں جاری بیان اچ وزیر داخلہ آکھیا جو اسلام آباد سودھے پنجاب، خیبرپختونخوا، بلوچستان، سندھ، گلگت بلتستان اَتے آزاد کشمیر اچ سارے جلوس و مجالس بخیر تے عافیت اختتام پذیر تھئیاں۔ محسن نقوی آکھیا جو عاشورہ محرم تے فوج، رینجرز، پولیس تے انتظامیہ دی محنت اَتے پروفیشنل اپروچ کوں خراج تحسین پیش کرینداں اَتے یوم عاشور دی سکیورٹی تے تعینات ہر جوان، افسر اَتے اہلکار دا دل دی گہرائیاں نال شکریہ ادا کرینداں۔ انہاں آکھیا جو بھائی چارے اَتے بین المسالک ہم آہنگی دے فروغ اچ علمائے کرام دا کردار قابل ستائش رہیا، فورسز جانفشانی اَتے ہم آہنگی نال فرائض سر انجام ݙتے اَتے عزاداراں دے جلوساں تے مجالساں کوں فول پروف سکیورٹی ݙتی۔ محسن نقوی آکھیا جو ملک بھر وچ عزاداراں پرامن ماحول اچ امام حسین اَتے شہدائے کربلا کوں خراج عقیدت پیش کیتا، پہلی محرم الحرام توں یوم عاشور تئیں مؤثر اَتے مربوط سکیورٹی پلان تے کامیابی نال عمل تھیا۔ انہاں آکھیا جو ساری فورسز اَتے فیلڈ فارمیشنز ݙینھ رات ہک کر تے مثالی نظم تے ضبط اَتے اتحاد دا مظاہرہ کیتا، بخیر و عافیت عشرہ محرم الحرام اختتام پذیر تھیوݨ تے اللہ تعالی دے حضور سربسجود ہن۔
