اسلام آباد۔ 7 جولائی (اے پی پی) نائب وزیر اعظم اَتے وزیر خارجہ سینیٹر محمد اسحاق ڈار نال اتصالات گروپ یو اے ای دے ہک وفد سنوار کوں ملاقات کیتی۔ دفتر خارجہ ولوں جاری بیان موجب وفد دی قیادت گروپ دے سی ای او حاتم دوئیدار کیتی۔اجلاس اچ وزیر آئی ٹی دے علاوہ وزیراعظم دے معاون خصوصی طارق باجوہ، نیشنل کوآرڈینیٹر ایس آئی ایف سی، سیکرٹریز آئی ٹی اینڈ کامرس اَتے پرائیویٹائزیشن اَتے وزارت خارجہ دے سینئر حکام شرکت کیتی۔ نائب وزیراعظم پاکستان دی ودھدی ہوئی ڈیجیٹل معیشت اَتے کاروبار دوست ماحول کوں فروغ ݙیوݨ کیتے حکومت دے عزم تے روشنی پاتی۔ انہاں اتصالات گروپ کوں ملک دے آئی سی ٹی اَتے ٹیلی کام دے شعبیاں وچ سرمایہ کاری ودھاوݨ دی دعوت ݙتی۔ گروپ دے سی ای او حاتم دوئیدار حکومت پاکستان دی مسلسل حمایت کوں سراہیا اَتے اتصالات گروپ دی پاکستانی مارکیٹ نال طویل مدتی عزم دی توثیق کریندیں ہوئیں ڈیجیٹل ترقی اَتے رابطے دے اہداف وچ حصہ پاوݨ اچ گہری دلچسپی دا اظہار کیتا۔
