کراچی۔ 7 جولائی (اے پی پی)وفاقی وزیر داخلہ سید محسن رضا نقوی کراچی پورٹ تے پاکستان کوسٹ گارڈز دے بیڑے اچ Rigid Hull Inflatable Boats کشتیاں دی شمولیت دی تقریب اچ بطور مہمانِ خصوصی شرکت کیتی۔ ڈائریکٹر جنرل پاکستان کوسٹ گارڈز، میجر جنرل جواد ریاض وفاقی وزیر دا استقبال کیتا۔ تقریب اچ اعلیٰ عسکری و سول حکام، بین الاقوامی برادری دے اراکین، اَتے مختلف شعبہ ہائے زندگی دیاں اہم شخصیات شرکت کیتی۔ وفاقی وزیر داخلہ پاکستان کوسٹ گارڈز دی پیشہ ورانہ مہارت اَتے کارکردگی دی تعریف کریندے آکھیا جو اے ملک دی واحد فورس اے جیڑھی ہکے ویلھے زمین اَتے سمندر ݙوہیں تے کم کریندی اے، جیڑھی اسمگلنگ، غیر قانونی ہجرت، اَتے غیر قانونی ماہی گیری روکݨ اچ مؤثر کردار ادا کریندی اے۔ انہاں کوسٹ گارڈز دی اسمگلنگ، منشیات اَتے انسانی اسمگلنگ دے خلاف کامیاب کارروائیاں دی وی تعریف کیتی۔ انہاں آکھیا جو نویں Rigid Hull Inflatable Boats کشتیاں دی شمولیت نال فورس دیاں آپریشنل صلاحیتاں ودھسن اَتے غیر قانونی سرگرمیاں روکݨ اچ مدد مِلسی۔
