اسلام آباد۔ 8 جولائی (اے پی پی) پاکستان کلاؤ لاک آپریشن زون اچ سرچ مشن دے دوران میتھین گیس توں ترکیہ دے 12 فوجیاں دی شہادت تے ݙُکھ اَتے افسوس کیتے۔ ترجمان دفتر خارجہ ولوں منگل کوں جاری بیان اچ آکھیا جو اساکوں اِے جاݨ تے بہوں ݙُکھ تھئے جو کلائو لاک آپریشن زون اچ سرچ مشن اچ میتھین گیس توں 12 ترک فوجی شہید تھی ڳئن۔بیان اچ شہداء دے درجات دی بُلندی اَتے غم زدہ خانداناں نال دلی تعزیت دا اظہار کریندیں ہوئیں آکھیا جو پاکستان غم دی ایں گھڑی اچ ترک بھراواں دے نال مکمل یکجہتی نال کھڑے۔
