اسلام آباد۔ 8 جولائی (اے پی پی) وزیراعظم محمد شہباز شریف ممتاز سماجی شخصیت عبد الستار ایدھی دی 9 ویں برسی دے موقع تے انہاں کوں خراج عقیدت پیش کریندیں ہوئیں آکھیا جو عبد الستار ایدھی انسانیت دی خدمت دی بہترین مثال قائم کیتی۔ منگل کوں وزیراعظم آفس دے میڈیا ونگ توں جاری بیان موجب وزیراعظم آکھیا جو عبد الستار ایدھی اساݙی قوم دا انمول اثاثہ ہن، پوری قوم اڄ عبد الستار ایدھی دی برسی تے انہاں کوں خراج عقیدت پیش کریندی اے۔ انہاں آکھیا جو عبد الستار ایدھی نہ صرف پاکستان بلکہ پوری دنیا کیتے انسانیت نال ہمدردی دی مثال قائم کیتی۔
