اسلام آباد۔ 8 جولائی (اے پی پی)غیر سرکاری تنظیم “پیاس انٹرنیشنل” دی ولوں کرائے ڳئے سروے اچ وفاقی دارالحکومت اسلام آباد دے ترقیاتی منصوبیاں تے عوامی، سیاسی اَتے کاروباری حلقیاں ودھ اعتماد ݙکھیندے چیئرمین سی ݙی اے، چیف کمشنر اسلام آباد، اَتے ݙی جی سول ݙیفنس محمد علی رندھاوا دی قیادت کوں مثالی قرار ݙتے۔ پیاس انٹرنیشنل دی پریس ریلیز دے مطابق،10 ہزار بندے جیندے اچ کاروباری شخصیات، ماہرین معیشت، ماہرین تعلیم، رئیل اسٹیٹ مارکیٹنگ کمپنیاں اَتے تعمیراتی کمپنیاں دے نمائندے اَتے عام بندے شامل ہن، انہاں سروے اچ اپݨی رائے ݙسی۔ ماہرین ݙسایا جو سی ݙی اے اسلام آباد دی تاریخ اچ پہلی واری بغیر وفاقی حکومت توں اضافی فنڈز ڳِھدے اپݨے محدود وسائل نال شہر اَتے مضافاتی علاقیاں اچ کئی ترقیاتی منصوبے کامیابی نال مکمل کیتن۔ انہاں منصوبیاں اچ سڑکاں دی تعمیر و مرمت، انڈر پاسز دی تعمیر، سگنل فری کوریڈور، سیکٹر ݙیولپمنٹ، سٹریٹ لائٹس دی تنصیب، انڈر چینجنگ انرجی ایفیشینٹ لائٹس، لنک روڈز دی بحالی اَتے خوبصورتی دے ݙوجھے منصوبے شامل ہن۔ سی ݙی اے دے اقدامات دا مقصد صرف شہری ترقی نئیں ٻھل شفاف گورننس اَتے خود انحصاری اے، بغیر کہیں اضافی اخراجات دے ترقیاتی عمل دا ٻھار اپݨے وسائل توں چاوݨ ہک جرأت مندانہ اَتے عوام دوست اقدام اے جیڑھا ٹیکس ݙیوݨ آلیاں دے پیسے دی قدر اَتے ذمہ واری دا عکاس اے۔ معروف انجینئرز، تعمیراتی ماہرین اَتے ٹرانسپورٹ و بلڈنگ انڈسٹری دے نمائندیاں وی ایندی تعریف کیتی اے، سی ݙی اے دی ولوں اپنایا ڳیا ترقیاتی ماڈل نہ صرف مستحکم اے ٻھل مستقبل دی شہری منصوبہ بندی کیتے ہک قابلِ تقلید مثال وی بݨ چُکیے۔ ایں موقع تے پیاس انٹرنیشنل ہیومن رائٹس دے چیئرمین رانا عمران لطیف آکھیا جو سی ݙی اے محدود بجٹ اچ مثالی کارکردگی ݙکھائی اے، ترقیاتی کماں اچ شفافیت، خود انحصاری اَتے منصوبہ بندی دا جیڑھا معیار قائم کیتا ڳئے او قابلِ تعریف اے، سی ݙی اے ماڈل کوں قومی سطح تے اپنایا ونڄے اَتے ایں ادارے دی کارکردگی کوں سراہیا ونڄے۔ انہاں آکھیا جو اسلام آباد اچ حالیہ ترقیاتی تبدیلیاں نہ صرف مقامی شہریاں دے معیارِ زندگی کوں بہتر بݨیسن ٻھل ملک بھر دے اداریاں کوں خود انحصاری، دیانت اَتے منصوبہ بندی دی ترغیب وی ݙیسن۔
