اسلام آباد۔ 8 جولائی(اے پی پی)وفاقی وزیر برائے منصوبہ بندی، ترقی و خصوصی اقدامات پروفیسر احسن اقبال دی سربراہی اچ وزارت منصوبہ بندی اچ جاری اصلاحاتی عمل دے جائزے کیتے ہک اعلیٰ سطح اجلاس تھئے۔ اجلاس اچ سیکرٹری منصوبہ بندی اویس منظور سمرا، چیف اکانومسٹ، ممبران پلاننگ کمیشن اَتے ݙوجھے اعلیٰ حکام شرکت کیتی۔ وفاقی وزیر قومی ترقی دے عمل اچ اُبھردیاں ضرورتاں اَتے عالمی رجحانات سانڳے پالیسیاں ترتیب ݙیوݨ دی لوڑھ تے زور ݙتا۔ انہاں آکھیا جو نجی شعبے کوں ترقیاتی عمل اچ رلائے بغیر کوئی پالیسی کامیاب نئیں تھی سڳدی، ساکوں روایتی طریقہ کار توں ہَٹ تے جدید اَتے مؤثر حکمت عملی اختیار کرݨی ہوسی۔ احسن اقبال انسانی وسائل دے مؤثر استعمال کیتے سازگار ماحول کوں لازمی قرار ݙیندے واضح کیتا جو اہداف دے حصول سانڳے کہیں وی قسم دی لاپرواہی برداشت نا کیتی ویسی، قومی مفاد سانڳے پالیسیاں بݨائیاں ویسن اَتے وزارت اچ سارے فیصلے میرٹ تے کیتے ویسن۔
