اسلام آباد۔ 8 جولائی(اے پی پی)نائب وزیراعظم اَتے وزیر خارجہ سینیٹر محمد اسحاق ݙار نال پاکستان اچ میانمار، برونائی دارالسلام، ویتنام، تھائی لینڈ، فلپائن، ملائیشیا اَتے انڈونیشیا سودھا آسیان مشنز دے سربراہواں آسیان ریجنل فورم دے 32 ویں وزارتی اجلاس اچ شرکت توں پہلے ملاقات کیتی۔ ترجمان دفتر خارجہ دے مطابق، انہاں آسیان اَتے اوںدے رکن ملکاں نال پاکستان دی شراکت داری دی اہمیت دا اعادہ کیتا۔ ایں موقع تے نائب وزیراعظم اَتے وزیر خارجہ مضبوط پاک-آسیان تعاون دا ݙسیندے تجارت، سیاحت، رابطے، آئی ٹی اَتے تعلیم سودھا مختلف شعبیاں اچ تعلقات کوں ٻیا ڳھاٹا کرݨ دی لوڑھ تے زور ݙتے۔
