راولپنڈی۔ 8 جولائی(اے پی پی)پاک فضائیہ دے سربراہ ایئر چیف مارشل ظہیر احمد بابر سدھو آکھیے جو پاکستان اَتے چین وچال تاریخی اَتے آزمودہ تعلقات ہن جیندیاں جڑاں باہمی اعتماد، تزویراتی ہم آہنگی اَتے علاقائی امن و استحکام کیتے مشترکہ خواہشات آلیاں ہین۔ چین دی پیپلز لبریشن آرمی ایئر فورس دے چیف آف سٹاف لیفٹیننٹ جنرل وانگ گینگ دی قیادت اچ ہک اعلیٰ سطح دفاعی وفد ایئر ہیڈ کوارٹرز اسلام آباد اچ پاک فضائیہ دے سربراہ ایئر چیف مارشل ظہیر احمد بابر سدھو نال ملین۔ انہاں باہمی دلچسپی دے امور، علاقائی سلامتی دی صورتحال اَتے ݙو طرفہ تعاون ودھاوݨ دے طریقیاں خاص کر فضائی طاقت اَتے آپریشنل ہم آہنگی تے الایا۔ ایئر چیف معزز مہماناں دا استقبال کریندے عزم دوہرایا جو پاکستان اَتے چین وچال تاریخی اَتے آزمودہ تعلقات ہین جنہاں دیاں جڑاں باہمی اعتماد، تزویراتی ہم آہنگی اَتے علاقائی امن و استحکام کیتے مشترکہ خواہشات تے ہین۔ لیفٹیننٹ جنرل وانگ گینگ کوں پی اے ایف دے جدید فورس ڈھانچے، سٹریٹجک اقدامات اَتے اوندے آپریشنل نظریے دے ارتقاء بارے ہک جامع بریفنگ ݙتی ڳئی۔ پاک فضائیہ دے سربراہ ݙوہیں فضائی افواج وچال دوستی دے مضبوط رشتے دا وی اعادہ کیتا اَتے تربیت، ٹیکنالوجی اَتے آپریشنل شعبیاں اچ تعاون ودھاوݨ کیتے پاک فضائیہ دے عزم دا اعادہ کیتا۔ جنرل وانگ گینگ آپریشنل تیاریاں دی اعلیٰ پیشہ واریت اَتے پاک فضائیہ دیاں جدید ترین صلاحیتاں کوں سراہیا۔ او پاک فضائیہ دے ملٹی ݙومین آپریشنز دے ہموار انضمام توں خاص طور تے متاثر تھئے، انہاں اوکوں جدید فضائی جنگ دی سنڄاݨ قرار ݙیتا اَتے پی ایل اے اے ایف دی ملٹی ݙومین آپریشنز اچ پاک فضائیہ دے جنگی تجربے توں سکھݨ اچ ودھ دلچسپی ݙکھائی۔ پی اے ایف دی قیادت دی پیشہ ورانہ ذہانت اَتے تزویراتی دور اندیشی سرہیندے ہوئیں، معزز مہمان بھارت نال حالیہ تنازعے دے دوران پاک فضائیہ دی مثالی کارکردگی کوں زبردست خراج تحسین پیش کیتا۔ انہاں ائیر چیف دی پرعزم قیادت اچ پی اے ایف دے پائلٹس ولوں ݙیتے ڳئے فیصلہ کن اَتے نپے تلے جواب دی تعریف کیتی اَتے اوکوں بلا اشتعال جارحیت دے مقابلے اچ درستگی، نظم و ضبط اَتے جرأت دے نصاب دی مثال قرار ݙتا۔
