اسلام آباد۔ 9 جولائی (اے پی پی) وزیراعظم محمد شہباز شریف گزریل مالی سال اچ تاریخ دی بُلند ترین ترسیلات زر تے اظہار تشکر کریندیں ہوئیں آکھیا جو ترسیلات زر اچ ریکارڈ ودھارا ٻاہرلے ملک پاکستانیاں دی قابل قدر خدمات اَتے پاکستانی معیشت تے اعتماد کوں نشابر کریندے۔ بدھ کوں وزیراعظم آفس دے میڈیا ونگ توں جاری بیان موجب وزیراعظم آکھیا جو مالی سال 2024-25 اچ ٻاہرلے ملک مقیم پاکستانیاں ولوں ترسیلات زر دی مد وچ 38.3 ارب ڈالر بھیجے ڳئے، اِے مالی سال 2023-24 دے مقابلے اچ 8 ارب ودھ اے، ترسیلات زر اچ 26.6 فیصد دا ودھارا انتہائی خوش آئند اے۔ وزیراعظم آکھیا جو ترسیلات زر اچ ریکارڈ ودھارا بیرون ملک پاکستانیاں دیاں قابل قدر خدمات اَتے انہاں دے پاکستانی معیشت وچ اعتماد دا مظہر اے، اڄوکی مثبت معاشی اشاریے حکومتی پالیسیاں دی سمت درست ہووݨ دے عکاس ہن۔ وزیراعظم آکھیا جو حکومت ملک اچ معاشی استحکام دے بعد معاشی ترقی کیتے پرعزم اے۔
