پروفیسر حماد خان دی پردیس رہندے ہووݨ دے باوجود آپدی دھرتی آپدے اصل نال محبت واضح ݙسدی اے

اسلام آباد۔ 10 جولائی(اے پی پی سرائیکی نیوز سروس)  پہلے سرائیکی بین الاقوامی سفرنامے دی لکھاری پروفیسرحمادبلوچ نیویارک توں گالھ کریندیں آکھیا جو انھاں 26 سال دی عمر اچ آپدا وطن دیرہ غازی خان چھوڑیا تے نیویارک دی سٹی یونی ورسٹی اچ الیکٹریکل انجینئر ان ۔ انھاں دا آکھݨ ہا جو امریکہ اچ رہندے ہوئے انھاں آپدی ثقافت تے مادری زبان کوں نی چھوڑیا ۔آپدے وسیب دے سرائیکی دوستاں نال او رابطے اچ رہندن۔ ایں توں پہلے اردو تے سرائیکی دیاں 8 کتاباں چھپ چکئین جیڑھیاں شاعری تے نثر دیاں ان ۔ سرائیکی دی پہلی کتاب” پتھر بازار دے ناں نال” ہئی جیڑھے سرائیکی دے مزاحیہ خاکے ان ۔تے ہݨ سفر نامہ اچ نہ صرف لکھاری دیاں یاداں گنڈھیا ان جڈاں جو وسیب دی سوھݨی تصویر چھکی گئی اے ۔اے کتاب 128 صفحیاں دی اے تے ایندے تے ڈاکٹر حمید الفت ملغانی دے نال ڈاکٹر بدر مسعود تبصرہ لکھیا اے جیندے توں پروفیسر حماد خان دی پردیس رہندے ہوونڑ دے باوجود آپدی دھرتی آپدے اصل نال محبت واضح ݙسدی اے ۔

ڈاکٹر سعدیہ کمال