ݙیرہ غازی خان۔ 11 جولائی (اے پی پی) بلوچستان اچ دہشت گردی دا ہک ٻیا دلخراش واقعہ، فتنہ الہندوستان دے دہشت گرداں شناخت دے بعد پنجاب توں تعلق رکھݨ آلے 9 شہریاں کوں بساں توں لہاہ تے بے دردی نال شہید کر ݙتا۔ سانحے اچ شہید تھیوݨ آلے بندیاں دی میتاں کمشنر ڈیرہ غازی خان اشفاق احمد چوہدری دی ہدایت تے ڈپٹی کمشنر محمد عثمان خالد اَتے بارڈر ملٹری پولیس …
بلوچستان اچ شہید تھیوݨ آلے پنجاب دے شہریاں دی میتاں ڈیرہ غازی خان اچ وصول، کمشنر اَتے ڈپٹی کمشنر دا افسوس
مزید خبراں
ݙیرہ غازی خان۔ 11 جولائی (اے پی پی) بلوچستان اچ دہشت گردی دا ہک ٻیا دلخراش واقعہ، فتنہ الہندوستان دے دہشت گرداں شناخت دے بعد پنجاب توں تعلق رکھݨ آلے 9 شہریاں کوں بساں توں لہاہ تے بے دردی نال شہید کر ݙتا۔ سانحے اچ شہید تھیوݨ آلے بندیاں دی میتاں کمشنر ڈیرہ غازی خان اشفاق احمد چوہدری دی ہدایت تے ڈپٹی کمشنر محمد عثمان خالد اَتے بارڈر ملٹری پولیس دے کمانڈنٹ محمد اسد خان چانڈیہ وصول کیتی۔ پنجاب دی حدود اچ واقع بواٹہ چیک پوسٹ تے شہداء دی لاشاں بلوچستان توں وصول تھئیاں، انتظامیہ دی نگرانی اچ شہداء دی میتاں انہاں دے آبائی علاقیاں کوں روانہ کر ݙتی ڳئن۔ شہداء دا تعلق لاہور، گجرات، خانیوال، گوجرانوالہ، دنیاپور، ڈیرہ غازی خان، چوک قریشی اَتے اٹک توں ݙسایا ڳئے۔ شہداء دی شناخت اچ ݙو سڳے بھرا جابر اَتے عثمان دا تعلق دنیاپور توں اے جو آپݨے والد دے جنازے اچ شرکت کرݨ کیتے ویندے پئے ہن۔ محمد عرفان ولد غلام اکبر دا تعلق ڈیرہ غازی خان، صابر حسین ولد محمد ریاض دا تعلق گوجرانوالہ، محمد آصف ولد سلطان دا تعلق چوک قریشی، غلام سعید ولد غلام سرور دا تعلق خانیوال، محمد جنید دا تعلق لاہور، محمد بلال ولد عبدالوحید دا تعلق اٹک اَتے شہید بلاول دا تعلق گجرات توں ݙسایا ڳئے۔ ڈپٹی کمشنر ݙیرہ غازی خان محمد عثمان خالد اَتے کمانڈنٹ بارڈر ملٹری پولیس محمد اسد خان چانڈیہ وزیراعلیٰ پنجاب مریم نواز شریف دی خصوصی ہدایت تے میتاں کوں مکمل سرکاری اعزاز دے نال انہاں دے متعلقہ ضلعیاں کوں روانہ کیتا۔ ایں موقع تے افسراں دی ڈیوٹیاں وی لا ݙتیاں ڳئیاں ہن تاں جو لاشاں دی منتقلی اچ کہیں قسم دی کوتاہی نہ تھیوے۔ کمشنر اشفاق احمد چوہدری اَتے ڈپٹی کمشنر محمد عثمان خالد ایں افسوسناک سانحے تے ڈکھ دکھ اَتے افسوس کریندیں ہوئیں لواحقین نال اظہار تعزیت کیتی۔
