مظفرگڑھ: تونسہ بیراج تے وچلے درجے دی چھل اے ، پی ڈی ایم اے

مظفرگڑھ۔ 14 جولائی (اے پی پی) پی ڈی ایم اے پنجاب موجب ، تونسہ بیراج تے دریائے سندھ اچ رات کوں پاݨی دی سطح 418,264 کیوسک وچلے درجے (میڈیم فلڈ) تے رپورٹ تھئی ہئی اَتے پاݨی دا وہݨ مسلسل ودھدا پئے۔ اڄ سویلے6 وڄے تونسہ بیراج تے پاݨی دا اخراج 426,400 کیوسک ریکارڈ کیتا ڳئے۔ پی ڈی ایم اے دریائے سندھ دے نال ڳنڈھئے سارے ضلعیں دے شہریاں کوں الرٹ رہݨ دی ہدایت کریندے آکھیے جو محفوظ جاہ تے منتقل تھیون اَتے پی ڈی ایم اے یا ضلعی انتظامیہ دی ہدایت تے عمل کرن۔ کہیں وی ہنگامی صورتحال اچ ہیلپ لائن 1129 تے وختی رابطہ کرن۔