اسلامیہ یونیورسٹی بہاول پور شعبہ سرائیکی اچ 17 جولائی 2025 کوں بورڈ آف سٹڈیز دی میٹنگ

اسلام آباد۔ 19 جولائی (اے پی پی سرائیکی نیوز) اسلامیہ یونیورسٹی بہاول پور شعبہ سرائیکی اچ 17 جولائی 2025 کوں بورڈ آف سٹڈیز کی میٹنگ تھئی ۔جیندے اچ شعبہ ھذا دے نو پی ایچ ڈی اتے اٹھاراں ایم فل سکالرز دے تحقیقی مقالہ جات دے مجوزہ خاکیں/عنوانات دی منظوری ݙتی ڳئی -اجلاس دی صدارت چیئرمین شعبہ سرائیکی ڈاکٹر ممتازخان بلوچ کیتی۔ڈاکٹر ممتاز خان کلیانی سابقہ ڈائریکٹر سرائیکی ایریا سٹڈی سینٹر بہاالدین زکریا یونیورسٹی ملتان بطور سبجیکٹ ایکسپرٹ جݙاں جو سینئر ممبراں اچ استاد شعبہ سرائیکی ڈاکٹر ریاض خان سنڈھر، ڈاکٹر بدرمسعود ، پروفیسر قدسیہ نئیر قاسم، ہائیر ایجوکیشن ڈیپارٹمنٹ کالجز توں ڈاکٹر عصمت اللہ شاہ صدر شعبہ سرائیکی گورنمنٹ ایس سی کالج تے ڈاکٹر محمد الطاف ݙاہر جلالوی صدر شعبہ سرائیکی گورنمنٹ صادق عباس کالج دیرہ نواب صاحب ممبر بورڈ آف سٹڈیز ممبر دے طور تے شرکت کیتی۔(ڈاکٹر سعدیہ کمال)