وفاقی وزیر خزانہ سینیٹر محمد اورنگزیب پاک امریکہ تجارتی مذاکرات کوں حتمی شکل ݙیوݨ کیتے امریکہ روانہ

اسلام آباد۔28 جولائی(اے پی پی)وفاقی وزیر خزانہ و محصولات سینیٹر محمد اورنگزیب پاک امریکہ تجارتی مذاکرات کوں حتمی شکل ݙیوݨ کیتے امریکہ روانہ تھی ڳئن۔ دورے اچ ݙوہاں ملکاں وچال ٹریڈ ڈائیلاگ تے فیصلہ کن گالھ مہاڑ تھیسی جیندے نال باہمی تجارتی معاہدے دی راہ نکلسی۔ پاکستان ݙو طرفہ تجارت کوں روایتی و غیر روایتی شعبیاں خاص کر آئی ٹی، معدنیات اتے زراعت تئیں وسعت ݙیوݨ چاہندے۔ وزیر خزانہ دا اے دورہ ݙوہاں ملکاں وچال مضبوط معاشی شراکت داری دو اہم قدم اے۔