اسلام آباد۔12اگست (اے پی پی): وفاقی وزیر برائے خزانہ و محصولات سینیٹر محمد اورنگزیب منگل کوں سپریم کورٹ آف پاکستان اچ چیف جسٹس آف پاکستان جسٹس یحییٰ آفریدی نال ملاقات کیتی۔ ملاقات دے دوران چیف جسٹس سپریم کورٹ دیاں جاری اصلاحاتی کوششاں تے روشنی پاتی جئیں دا مقصد لوکاں کوں ویلھے تے انصاف ݙیوݨ، عدالتی نظام کوں جدید خطوط تے استوار کرݨ، ٹیکس نال متعلق مقدمات دی درجہ بندی اتے …
وفاقی وزیر خزانہ و محصولات سینیٹر محمد اورنگزیب دی چیف جسٹس، جسٹس یحییٰ آفریدی نال ملاقات
اسلام آباد۔12اگست (اے پی پی): وفاقی وزیر برائے خزانہ و محصولات سینیٹر محمد اورنگزیب منگل کوں سپریم کورٹ آف پاکستان اچ چیف جسٹس آف پاکستان جسٹس یحییٰ آفریدی نال ملاقات کیتی۔ ملاقات دے دوران چیف جسٹس سپریم کورٹ دیاں جاری اصلاحاتی کوششاں تے روشنی پاتی جئیں دا مقصد لوکاں کوں ویلھے تے انصاف ݙیوݨ، عدالتی نظام کوں جدید خطوط تے استوار کرݨ، ٹیکس نال متعلق مقدمات دی درجہ بندی اتے ٹیکنالوجی دی بنیاد تے سروس ڈیلیوری کوں بہتر بݨاوݨا اے۔ چیف جسٹس ایں امر تے زور ݙتا جو “متبادل تنازعات دے حل (اے ڈی آر) دے نظام دی کامیابی کوں یقینی بݨاوݨ ٻہوں اہم اے جو ٹیکس نال متعلق تنازعات دے ویلھے تے حل کیتے نافذ کیتا ڳئے۔” انہاں ایں نظام دی حقیقی کامیابی کیتے حکومت دے مسلسل تعاون دی لوڑ تے زور ݙتا۔ چیف جسٹس وزیر خزانہ کوں ݙسایا جو ایں ویلھے جوڈیشل اکیڈمی اچ جوڈیشل افسراں اتے ایس ای سی پی دے ارکان کیتے تربیتی سیشن جاری ہن اتے تیکھے ایہو ڄھیں تربیت مسابقتی کمیشن آف پاکستان دے افسراں کوں وی ݙتی ویسی۔ وفاقی وزیر عدلیہ دے اصلاحاتی ایجنڈے دی تعریف کیتی اتے عدالتی ترقیاتی منصوبیاں کیتے درکار وسائل دی ویلھے تے فراہمی اچ حکومت دے تعاون دی یقین دہانی کرائی۔ ݙوہاں فریقاں قانون دی حکمرانی اتے شہریاں دے بنیادی حقوق دی حفاظت کیتے عدلیہ اتے انتظامیہ دے وچال مربوط کوششاں دی اہمیت تے اتفاق کیتا۔
