اسلام آباد۔13اگست (اے پی پی) معرکہ حق یومِ آزادی دے موقع تے آئی ایس پی آر نواں ملی نغمہ "پاکستان ہمیشہ زندہ باد" جاری کر ݙتا۔ معروف گلوکار راحت فتح علی خان دی آواز اچ نواں ملی نغمہ جاری کیتا ڳئے جیڑھا وطن دی محبت، قربانیاں اتے حب الوطنی دے عزم کوں شاندار خراجِ تحسین پیش کریندے۔ "پاکستان ہمیشہ زندہ باد" اچ شہیداں دیاں لازوال قربانیاں اتے قوم دی بہادری …
آئی ایس پی آر دا معرکہ حق یومِ آزادی دے موقع تے نواں ملی نغمہ “پاکستان ہمیشہ زندہ باد” جاری
اسلام آباد۔13اگست (اے پی پی) معرکہ حق یومِ آزادی دے موقع تے آئی ایس پی آر نواں ملی نغمہ “پاکستان ہمیشہ زندہ باد” جاری کر ݙتا۔ معروف گلوکار راحت فتح علی خان دی آواز اچ نواں ملی نغمہ جاری کیتا ڳئے جیڑھا وطن دی محبت، قربانیاں اتے حب الوطنی دے عزم کوں شاندار خراجِ تحسین پیش کریندے۔ “پاکستان ہمیشہ زندہ باد” اچ شہیداں دیاں لازوال قربانیاں اتے قوم دی بہادری کوں خون دے آخری قطرے تئیں وطن کیتے قربانیاں ݙیوݨ دے عزم دے نال اجاگر کیتا ڳئے۔ نغمے اچ پاکستان دی عظمت، عوام دے اتحاد اتے وطن دے وقار دی خوبصورت جھلک پیش کیتی ڳئی اے جݙاں جو بہادری، قربانی اتے حب الوطنی دا دلکش امتزاج سُݨݨ آلے دے دلاں کوں گرم کرݙیندے۔ آئی ایس پی آر موجب اے نغمہ یومِ آزادی تے قربانی اتے تجدیدِ عہدِ وفا دا پیکر اے جیڑھا قوم کوں آپݨے ماضی دی شاندار داستان اتے مستقبل دے روشن عزم دی یاد ݙویندے
