تاریخ اچ پہلی واری فیری سروس دا لائسنس جاری، ابوظہبی، ایران، عراق اتے کراچی سودھے ݙوجھیاں بندرگاہواں تئیں سہولت ݙیسی، وفاقی وزیر بحری امور

اسلام آباد۔13اگست (اے پی پی) وفاقی وزیر بحری امور محمد جنید انوار آکھیے جو تاریخ اچ پہلی واری فیری سروس دا لائسنس جاری کر ݙتا ڳئے جیڑھا ابوظہبی، ایران، عراق اتے کراچی سودھے ݙوجھیاں بندرگاہواں تئیں سہولت ݙیسی۔ قومی اسمبلی اچ سوالاں دے وقفے اچ شرمیلا فاروق دے سوال دے جواب اچ وفاقی وزیر آکھیا جو ساݙے پورٹس نقصان اچ کائنی ، جے ساݙی ایکسپورٹ ودھسی تاں منافع وی تھیسی اتے ساݙی صلاحیت وی ودھسی۔ ڈاکٹر شازیہ ثوبیہ دے ضمنی سوال دے جواب اچ انہاں آکھیا جو “بلیو اکانومی تے کم کریندے پیوں ، میں ماݨ نال آکھ سڳداں جو جݙاں توں پاکستان بݨیے پہلی واری فیری سروس دا لائسنس جاری کیتا ڳئے۔ انہاں آکھیا جو فیری سروس کے پی ٹی توں لوکل ہوسی اتے ایران، عراق اتے ابوظہبی تئیں سروس ݙیسی