یوم آزادی اساں کوں ایں قربانی، جدوجہد اتے ایمان افروز عزم دی یاد ݙویندے جئیں پاروں اساں کوں آزاد وطن ملیا، وفاقی وزیرِ صحت سید مصطفیٰ کمال

اسلام آباد۔14اگست (اے پی پی) وفاقی وزیرِ برائے صحت سید مصطفیٰ کمال یوم آزادی دے موقع تے قوم کوں مبارخ ݙیندیں ہوئیں آکھیا جو یوم آزادی اساں کوں ایں قربانی، جدوجہد اتے ایمان افروز عزم دی یاد ݙویندے جئیں پاروں اساں کوں آزاد وطن ملیا۔ پاکستان ’’معرکہ حق‘‘ دی علامت اے جتھاں حق تے انصاف دی سربلندی، عوام دی فلاح اتے قومی وقار دی حفاظت اساݙا عہد اے۔ ترجمان وزارت صحت دے مطابق یومِ آزادی دے موقع تے سنیھے اچ انہاں آکھیا جو آزادی دی قدر اُوں ویلھے ممکن اے جݙاں اساں متحد تھی تے ملک دی ترقی، خوشحالی اتے عوامی خدمت کیتے کم کروں۔ وزارتِ قومی صحت ایں عزم کریندی اے جو اساں ہر پاکستانی کوں معیاری صحت دی سہولتاں فراہم کرݨ کیتے آپݨی ساری صلاحیتاں استعمال کریسوں۔ سید مصطفیٰ کمال آکھیا جو اساں آپݨے شہیداں، بزرگاں اتے قومی ہیروز کوں خراجِ عقیدت پیش کریندوں اتے ایں عہد دی تجدید کریندوں جو پاکستان کوں ترقی یافتہ، صحت مند اتے خوشحال ملک بݨاوݨ کیتے آپݨی جدوجہد جاری رکھیسوں۔