اسلام آباد۔14اگست (اے پی پی) وزیراعظم محمد شہباز شریف یوم آزادی دے موقع تے پاکستان مونومنٹ اچ پرچم کشائی کیتی اتے یادگار شہداء تے پھل چڑھائے۔ خمیس کوں یوم آزادی دے موقع تے یادگار شہداء تے مرکزی تقریب تھئی جئیں دے مہمان خصوصی وزیراعظم محمد شہباز شریف ہن۔ علاقائی لباساں اچ ملبوس نکے ٻالاں وزیراعظم کوں پھل پیش کیتے جݙاں جو وزیراعظم ٻالاں نال پیار کیتا۔ ایں موقع تے سائرن …
یوم آزادی، وزیراعظم محمد شہباز شریف پاکستان مونومنٹ اچ پرچم کشائی کیتی اتے یادگار شہداء تے پھل چڑھائے
اسلام آباد۔14اگست (اے پی پی) وزیراعظم محمد شہباز شریف یوم آزادی دے موقع تے پاکستان مونومنٹ اچ پرچم کشائی کیتی اتے یادگار شہداء تے پھل چڑھائے۔ خمیس کوں یوم آزادی دے موقع تے یادگار شہداء تے مرکزی تقریب تھئی جئیں دے مہمان خصوصی وزیراعظم محمد شہباز شریف ہن۔ علاقائی لباساں اچ ملبوس نکے ٻالاں وزیراعظم کوں پھل پیش کیتے جݙاں جو وزیراعظم ٻالاں نال پیار کیتا۔ ایں موقع تے سائرن وجائے ڳئے اتے قومی ترانہ وجایا ڳیا۔ وزیراعظم یادگار شہداء تے حاضری ݙتی، پھل چاڑھائے اتے مادر وطن تے جان ݙیوݨ آلے شہیداں کوں خراج عقیدت پیش کریندیں ہوئیں انہاں دے درجات دی بلندی کیتے فاتحہ خوانی کیتی۔ ایں موقع تے وزیراعظم ملک دی سلامتی اتے خوشحالی کیتے دعا منڳی۔ ایں موقع تے ٻالاں دی وݙی تعداد وی موجود ہئی۔ چیئرمین سینٹ سید یوسف رضا گیلانی، سپیکر قومی اسمبلی سردار ایاز صادق، نائب وزیر اعظم و وزیر خارجہ سینیٹر محمد اسحاق ڈار، ڈپٹی سپیکر سید غلام مصطفیٰ شاہ، وفاقی وزراء رانا تنویر حسین، عطاء اللہ تارڑ، ڈاکٹر طارق فضل چوہدری، سردار محمد یوسف، پروفیسر احسن اقبال اتے محمد حنیف عباسی دے علاوہ وݙی تعداد اچ اراکین قومی اسمبلی اتے ݙوجھے لوکاں شرکت کیتی۔
