راولپنڈی ۔14اگست (اے پی پی) چیف آف آرمی سٹاف فیلڈ مارشل سید عاصم منیر، چیئرمین جوائنٹ چیفس آف اسٹاف کمیٹی جنرل ساحر شمشاد مرزا، پاک بحریہ دے سربراہ ایڈمرل نوید اشرف، پاک فضائیہ دے سربراہ ائیر چیف مارشل ظہیر احمد بابر سدھو اتے پاکستان دی مسلح افواج ولوں پاکستان دے 78ویں یوم آزادی دے پُرمسرت موقع تے قوم کوں دلوں مبارکباد پیش کیتی ڳئی اے جو اتحاد، عزم اتے ہک …
فیلڈ مارشل سید عاصم منیر، چیئرمین جوائنٹ چیفس آف سٹاف کمیٹی جنرل ساحر شمشاد مرزا، پاک بحریہ اتے پاک فضائیہ دے سربراہان اتے مسلح افواج ولوں یوم آزادی دے موقع تے قوم کوں دلوں مبارخ
راولپنڈی ۔14اگست (اے پی پی) چیف آف آرمی سٹاف فیلڈ مارشل سید عاصم منیر، چیئرمین جوائنٹ چیفس آف اسٹاف کمیٹی جنرل ساحر شمشاد مرزا، پاک بحریہ دے سربراہ ایڈمرل نوید اشرف، پاک فضائیہ دے سربراہ ائیر چیف مارشل ظہیر احمد بابر سدھو اتے پاکستان دی مسلح افواج ولوں پاکستان دے 78ویں یوم آزادی دے پُرمسرت موقع تے قوم کوں دلوں مبارکباد پیش کیتی ڳئی اے جو اتحاد، عزم اتے ہک روشن مستقبل کیتے ہک غیر متزلزل عزم دی جت دی علامت اے۔ یوم آزادی دے موقع تے آئی ایس پی آر توں جاری بیان موجب اساں بانیان پاکستان کوں خراج عقیدت پیش کریندوں، اساں قائداعظم محمد علی جناح دی بصیرت آلی قیادت اچ انہاں دے ناقابل شکست جذبے، عزم اتے بے مثال قربانیاں کوں خراج تحسین پیش کریندوں۔ انہاں دی ہمت، دور اندیشی اتے آزادی دے مقصد تے غیر متزلزل یقین، رہنمائی دا روشن مینار اے۔ مسلح افواج انہاں بصیرت آلے قائدین اتے جواناں کوں زبردست خراج تحسین پیش کریندی اے جنہاں اساݙی قوم دی بنیاد رکھی، انہاں دی میراث کوں گہری عقیدت اتے شکر گزاری دے نال اڳوں ودھایا۔ قومی سلامتی دے محافظاں دے طور تے اساں پاکستان دی خودمختاری اتے علاقائی سالمیت دی حفاظت، آئین دی بالادستی اتے انہاں اقدار دی حفاظت کیتے آپݨے غیر متزلزل عزم کریندے ہن جو اساݙے قومی تشخص دا تعین کریندیاں ہن۔ بیان اچ آکھیا ڳیا جو مسلح افواج اتے عوام وچال پکا رشتہ اساݙی اجتماعی طاقت دا سرچشمہ اے۔ ایں یوم آزادی دے موقع تے اساں ہک پرعزم، خوشحال اتے ترقی پسند پاکستان دے خواب کوں سچ کرݨ کیتے ایمان، اتحاد اتے تنظیم دے نظریات کوں برقرار رکھیندیں ہوئیں امن، ترقی اتے اتحاد کیتے جدوجہد کرݨ دے آپݨے عزم دی تجدید کروں۔
