ریاض ۔15اگست (اے پی پی) سعودی عرب مقبوضہ بیت المقدس دے آسے پاسے اسرائیلی وستیاں دی تعمیر دی مذمت کیتی اے۔ العربیہ موجب سعودی وزارت خارجہ دے ہک بیان موجب سعودی عرب اسرائیلی وزیر خارجہ دے فلسطینی ریاست دے قیام کوں روکݨ دے بیاناں دی مذمت کیتی۔ بیان اچ اسرائیل ولوں بین الاقوامی قانون دی خلاف ورزی، فلسطینی عوام دے حق خودارادیت اتے انہاں دی خود مختار ریاست دے قیام …
مقبوضہ بیت المقدس دے آسے پاسے اسرائیلی وستیاں دی تعمیر قابل مذمت اے، سعودی عرب
ریاض ۔15اگست (اے پی پی) سعودی عرب مقبوضہ بیت المقدس دے آسے پاسے اسرائیلی وستیاں دی تعمیر دی مذمت کیتی اے۔ العربیہ موجب سعودی وزارت خارجہ دے ہک بیان موجب سعودی عرب اسرائیلی وزیر خارجہ دے فلسطینی ریاست دے قیام کوں روکݨ دے بیاناں دی مذمت کیتی۔ بیان اچ اسرائیل ولوں بین الاقوامی قانون دی خلاف ورزی، فلسطینی عوام دے حق خودارادیت اتے انہاں دی خود مختار ریاست دے قیام دے ناقابل تنسیخ حق اتے سلامتی کونسل دی متعلقہ قرارداداں دی خلاف ورزی کرݨ تے شدید مذمت کیتی۔ سعودی وزارت خارجہ اسرائیل دی سرگرمیاں اچ نرمی دا مطالبہ کیتا۔ سعودی وزارت خارجہ آکھیا جو اسرائیل دے اے فیصلے اتے بیان ایں اسرائیلی حکومت دی غیر قانونی توسیع پسندانہ پالیسیاں دے تسلسل، ایں دے امن عمل اچ اوکھیائی اتے ݙو ریاستی حل دے امکان کیتے سنگین خطرے دی تصدیق کریندے پئن۔ سعودی عرب آکھیا جو بین الاقوامی برادری آپݨی قانونی اتے اخلاقی ذمے واریاں ادا کرے۔ فلسطینی عوام کوں تحفظ فراہم کرݨ اتے فلسطینی ریاست کوں منّݨ سودھے فلسطینیاں کوں جائز حقوق ݙیواوݨ دی آپݨی ذمے واری نبھاوے۔ سعودی وزارت خارجہ دے بیان اچ اسرائیل کوں غزہ تے آپݨی جارحیت روکݨ اتے مغربی کنارے اتے مشرقی القدس اچ ایں دی غیر قانونی خلاف ورزیاں کوں روکݨ اتے فلسطینی عوام دے خلاف جرماں کوں روکݨ دا آکھیا ڳیا اتے اے وی آکھیا ڳیا جو انہاں جرماں دے ذمہ واراں کوں جوابدہ کیتا ونجݨا چاہیدے۔
