اسلام آباد۔15اگست (اے پی پی) وفاقی وزیر ریلوے محمد حنیف عباسی نال آسٹریلوی سفیر نیل ہاکنز وزارت ریلوے اچ اہم ملاقات کیتی۔ ایں ملاقات اچ پاکستان اتے آسٹریلیا وچال ݙوپاسہ تعلقات کوں مزید تکڑا بݨاوݨ اتے مختلف شعبیں اچ تعاون کوں ودھاوݨ تے تفصیلی ڳالھ مہاڑ کیتی ڳئی۔ ملاقات اچ ریلوے دے شعبے اچ جدید تعاون، تکنیکی مہارت اتے تجربیں دے تبادلے تے اتفاق تھیا۔ ݙوہیں فریقین تکنیکی تعاون، تربیتی …
وفاقی وزیر ریلوے محمد حنیف عباسی نال آسٹریلوی سفیر نیل ہاکنز دی ملاقات
اسلام آباد۔15اگست (اے پی پی) وفاقی وزیر ریلوے محمد حنیف عباسی نال آسٹریلوی سفیر نیل ہاکنز وزارت ریلوے اچ اہم ملاقات کیتی۔ ایں ملاقات اچ پاکستان اتے آسٹریلیا وچال ݙوپاسہ تعلقات کوں مزید تکڑا بݨاوݨ اتے مختلف شعبیں اچ تعاون کوں ودھاوݨ تے تفصیلی ڳالھ مہاڑ کیتی ڳئی۔ ملاقات اچ ریلوے دے شعبے اچ جدید تعاون، تکنیکی مہارت اتے تجربیں دے تبادلے تے اتفاق تھیا۔ ݙوہیں فریقین تکنیکی تعاون، تربیتی پروگرامز اتے سیاحت تے مبنی ریل سروسز دے قیام دی خواہش دا اظہار کیتا۔ وفاقی وزیرریلوے پاکستان ریلوے دی ترقی کیتے سانجھے داری دے نویں امکانات تے روشنی پاتی اتے آسٹریلیا دے اُچے ریلوے نظام دی تعریف کیتی۔ آسٹریلوی سفیر نیل ہاکنز وزیر ریلوے ولوں ریلوے اچ کیتی ڳئی اصلاحات کوں قابل تعریف قرار ݙیندیں امید ظاہر کیتی جو اے اقدامات پاکستان اچ ریلوے دے شعبے دی ترقی اچ اہم کردار ادا کریسن۔ ملاقات دے دوران ݙوہیں رہنماواں تعلیمی، ثقافتی اتے عوامی رابطیں کوں مزید گھاٹا کرݨ دا عزم کیتا۔ ایں موقع تے ݙوہیں فریقین وچال تحفیں دا تبادلہ وی تھیا جیڑھا دوستانہ تعلقات دی علامت اے۔
