اسلام آباد۔15اگست (اے پی پی) صدر مملکت آصف علی زرداری بھارتی حمایت یافتہ دہشت گرداں دی ہلاکت تے خیبر پختونخوا پولیس دی جرات اتے بہادری کوں خراج تحسین پیش کیتے اتے آکھیے جو پاکستان دہشت گردی دے منڈھوں خاتمے کیتے پرعزم اے اتے آخری دہشت گرد دے خاتمے تئیں اے جنگ جاری رہسی۔ ایوان صدر دے پریس ونگ توں جاری بیان موجب صدر مملکت دہشت گرد حملیں اچ شہید تھیوݨ …
صدر مملکت دا بھارتی حمایت یافتہ دہشت گرداں دی ہلاکت تے خیبر پختونخوا پولیس دی جرات اتے بہادری کوں خراج تحسین
اسلام آباد۔15اگست (اے پی پی) صدر مملکت آصف علی زرداری بھارتی حمایت یافتہ دہشت گرداں دی ہلاکت تے خیبر پختونخوا پولیس دی جرات اتے بہادری کوں خراج تحسین پیش کیتے اتے آکھیے جو پاکستان دہشت گردی دے منڈھوں خاتمے کیتے پرعزم اے اتے آخری دہشت گرد دے خاتمے تئیں اے جنگ جاری رہسی۔ ایوان صدر دے پریس ونگ توں جاری بیان موجب صدر مملکت دہشت گرد حملیں اچ شہید تھیوݨ آلے خیبر پختونخوا پولیس دے جواناں دیاں قربانیاں کوں شاندار خراج عقیدت پیش کیتا۔ صدر مملکت آکھیا جو قوم آپݨے بہادر سپاہیاں اتے پولیس جواناں دیاں قربانیاں کوں کݙاہیں نہ بُھلسی۔ صدرِ مملکت آکھیے جو خیبر پختونخوا پولیس آپݨی بہادری اتے پیشہ ورانہ صلاحیتاں نال بھارتی سرپرست دہشت گرداں دے حملے ناکام بݨائے۔ صدر مملکت آصف علی زرداری آکھیے جو خیبر پختونخوا پولیس دے بہادر جوان دہشت گردی دے خلاف جنگ اچ فرنٹ لائن تے ہن اتے پوری قوم انہاں تے ماݨ کریندی اے، پاکستان دہشت گردی دے مکمل خاتمے کیتے پرعزم اے اتے چھیکڑی دہشت گرد دے خاتمے تئیں اے جنگ جاری رہسی۔ صدر مملکت شہیداں دے گھر آلیں نال دلی ہمدردی دا اظہار کیتا اتے زخمی اہلکاراں دے تکھے صحت مند تھیوݨ دی دعا منڳی
