وزیراعلیٰ پنجاب دے دورہ جاپان نال سنڳت، ترقی اتے تعاون ودھسی، وزیر اطلاعات پنجاب

لاہور۔15اگست(اے پی پی)وزیر اطلاعات و ثقافت پنجاب عظمی بخاری آکھیے جو وزیراعلیٰ پنجاب مریم نواز جاپان دے تاریخی اتے اہم دورے تے ہین جیڑھا بین الاقوامی سطح تے صوبہ پنجاب دی ترقی کیتے ہک نواں سنگ میل ثابت تھیسی۔ انہاں آکھیا جو مریم نواز دوست ملکاں نال تعلقات مضبوط کر کے پنجاب کیتے سرمایہ کاری، ٹیکنالوجی، تعلیم اتے صحت سودھا مختلف شعبیاں اچ تعاون ڳھنݨ آلی پہلی وزیراعلیٰ ہن۔ انہاں دا وژن صوبے کوں خودمختار، خوشحال اتے ترقی یافتہ بݨاوݨ اے۔ اپݨے بیان اچ انہاں آکھیا جو وزیراعلیٰ دا جاپان دا دورہ نہ صرف ݙو طرفہ تعلقات کوں ودھیسی ٻھل نویں منصوبیاں، اسکالرشپس اتے ٹیکنالوجی ٹرانسفر ڄھیں مواقع وی ݙیسی، پنجاب حکومت دوست ملکاں توں سکھݨ اتے انہاں دے تجربات توں فیدہ چاوݨ کیتے ہر ویلھے کوشش کریندی اے، وزیراعلیٰ مریم نواز دی قیادت اچ پنجاب عالمی برادری اچ ہک فعال اتے ترقی پذیر خطے دے طور تے اُبھردا پئے۔