اسلام آباد ۔ 3 جون(اے پی پی) جاری مالی سال جولائی توں اپریل 2015-16 دے دوران افراط زر دی شرح وچ ودھارا 2.8 فیصد رہیا جیرھا گزریل سال ایں مدت وچ 4.8 فیصد ریکارڈ کیتا گیا ہے۔ پاکستان بیورو برائے شماریات دے اعدادوشمار دے مطابق غذائی افراط زر ایں عرصے دے دوران 2.1 فیصد جڈانجوغیر غذائی اشیاءدے افراط زر وچ 3.3 فیصد ریکارڈ کیتا گیا، جنہاں غذائی شئیں دیاں قیمتاں وچ گھٹکی تھئی انہاں وچ چاول، وسل، انڈے، گھیو اتے خوردنی تیل شامل ہن۔ بنیادی افراط زر جولائی توں اپریل 2015-16 دے وچال اوسطاً 4.1 فیصد ریکارڈ کیتا گیا جیرھا گزریل سال ایں مدت وچ 6.9 فیصد ہائی۔ ایں طرح ڈبلیو پی آئی وچ سالانہ اوسطاً 1.29 فیصد گھٹکی ریکارڈ کیتی گئی جیرھی گزریل سال 0.03 فیصد ہائی ۔ قیمتاں دا حساس اشاریہ جولائی توںاپریل وچ اوسطاً1.8 فیصد ہائی جیرھا پچھلے سال دی ایں مدت وچ 2.1 فیصد ریکارڈ کیتا گیا ۔
