وفاقی وزیر عبدالرحمن کانجو اتے کمشنر ملتان دا سیلاب متاثرہ علاقیاں دا دورہ

ملتان۔ 04 ستمبر(اے پی پی)وفاقی وزیر مملکت برائے پاور اینڈ پبلک افیئرز عبدالرحمن کانجو اتے کمشنر ملتان ڈویژن عامر کریم خان سیلاب متاثرہ علاقیاں دا دورہ کیتا۔ انہاں دے نال ڈپٹی کمشنر ڈاکٹر لبنیٰ نذیر، ایڈیشنل ڈپٹی کمشنر ریونیو سید وسیم حسن شاہ اتے ݙوجھے افسران وی شریک ہن۔ وفاقی وزیر عبدالرحمن کانجو جھوک آہیر سودھا متاثرہ وستیاں اچ عوام نال الیندے آکھیا جو وزیراعظم شہباز شریف اتے وزیراعلیٰ پنجاب مریم نواز دیاں مکمل ہمدردیاں سیلاب زدگان دے نال ہن۔ انہاں ہدایت کیتی جو متاثرہ دیہات توں لوکاں دا ویلھے تے انخلاء یقینی بݨایا ونڄے اتے ریلیف کیمپاں اچ رہائش، کھاوݨ اتے طبی سہولتاں ݙتیاں ونڄن۔ کمشنر عامر کریم خان خانواہ گھلواں فلڈ ریلیف کیمپ دا دورہ کیتا، متاثرہ خانداناں نال ملاقات کیتی اتے ٻالاں کوں پھل ونݙیےن٘ انہاں میڈیکل کاؤنٹر تے دوائیاں دا معائنہ کیتا اتے متاثرین کوں ہر ممکن سہولت ݙیوݨ دی ہدایت کیتی۔ بعد اچ کمشنر جھوک جانن اتے جاگیر ہوڑا اچ بند مضبوط کرݨ دے کم اتے ریسکیو آپریشن دا جائزہ ڳھدا۔ متاثرہ ٻالاں اچ ترُشکی، بسکٹ اتے جوس ونڈیے ڳئے جݙاں جو عوام کوں محفوظ ڄاہیں تے ویلھےء تے منتقل تھیوݨ دا آکھیا ڳیا۔ ضلعی انتظامیہ موجب ریلیف کیمپس اچ ترائے ویلھے کھاوݨ سودھا ساریاں بنیادی سہولتاں ݙتیاں ویندیاں پئن۔