وزیر اعظم نال کان کنی و انفراسٹرکچر دے شعبے دیاں مشہور عالمی کمپنیاں اتے اعلیٰ سطح وفد دی ملاقات

اسلام آباد، 08 ستمبر(اے پی پی)وزیر اعظم محمد شہباز شریف نال کان کنی تے انفراسٹرکچر دے شعبے دیاں مشہور عالمی کمپنیاں یو ایس ایس ایم اتے موٹا اینجل سودھا ہک اعلیٰ سطح امریکی وفد ملاقات کیتی اے۔ ملاقات اچ نائب وزیراعظم و وزیر خارجہ اسحاق ڈار، آرمی چیف فیلڈ مارشل سید عاصم منیر تے وفاقی وزراء وی موجود ہن۔ اے وفد پاکستان اچ کان کنی دے کماں کوں ودھاوݨ دے مواقع ڳولݨ اتے معدنی وسائل دی قدر ودھاوݨ سودھا انفراسٹرکچر دی ترقی دے امکانات دا جائزہ گھنݨ پاکستان آئے۔ وفد وزیر اعظم پاکستان، چیف آف آرمی سٹاف (COAS)، وزیر پٹرولیم تے وزیر تجارت نال اعلیٰ سطح ملاقاتاں کیتن اتے انہاں کوں پاکستان دے وݙے معدنی ذخائر، جیندے اچ تاںبا، سونا اتے نایاب زمینی عناصر شامل ہن، بارے بریفنگ ݙتی۔ دورہ کرݨ آلیاں کمپنیاں ملک اچ ویلیو ایڈیشن دیاں سہولتاں قائم کرݨ، معدنیات دی پراسیسنگ دی صلاحیت ودھاوݨ اتے کان کنی دے شعبے نال جُڑے وڈے انفراسٹرکچر منصوبیاں دی ترقی اچ سرمایہ کاری کرݨ اچ دلچسپی ݙکھائی۔ ایں سانڳے ݙوہیں حکومتاں وچال نایاب زمین دے عناصر (REEs) تے لاجسٹک سروسز سودھا اہم معدنیات دی ترقی تے پراسیسنگ تے توجہ ݙیوݨ آلے 2 مفاہمت دے یادداشتاں (ایم او یوز) تے دستخط کیتے گئے۔ فرنٹیئر ورکس آرگنائزیشن (FWO) – پاکستان دی اہم معدنیات دی سب توں وݙی کان کنی – سینٹ لوئس، میسوری اچ مقیم ہک مشہور پراسیسر، ری سائیکلر، تے کان کن دے نال یونائیٹڈ اسٹیٹس اسٹریٹجک میٹلز (USSM) دے نال ہ تاریخی مفاہمت دی یادداشت تے دستخط کیتن۔اے معاہدہ دفاع، ایرو اسپیس اتے ٹیکنالوجی دیاں صنعتاں کیتے ضروری معدنیات دی رینج اچ تعاون کیتے فریم ورک ݙیندے۔ اے شراکت داری فوراً پاکستان توں آسانی نال دستیاب معدنیات دی برآمد نال شروع تھیسی جیندے اچ اینٹیمونی، کاپر، سونا، ٹنگسٹن تے نایاب زمینی عناصر شامل ہن۔ اے تعاون پاکستان اچ USSM دی ملکیت، ودھ لچکدار پولی میٹالک ریفائنری سانڳے ہک اہم قدم اے۔ ریفائنری امریکی مارکیٹ دی تیزی نال ودھدی ہوئی مانگ کوں پورا کرݨ کیتے مصنوعات ٻݨیسی۔ ایں معاہدے دے پہلے مرحلے اچ پاکستان دے معدنیات دے اہم شعبے اچ تقریباً 500 ملین ڈالر دی سرمایہ کاری دا اندازہ لایا ڳئے جیندے نال پاک امریکا تعلقات ٻئے تکرے تھیسن ڄݙاں جو پائیدار ترقی، ٹیکنالوجی دی منتقلی تے ملازمتاں دی تخلیق دے نویں مواقع وی نکلسن۔ ایم او یو دے اگلے قدم اچ پاکستان دے وسیع وسائل دی بنیاد دی پوری صلاحیت کوں لبھݨ کیتے ٹیماں دی تشکیل، فوراً برآمد کیتے اہم معدنیات دی نشاندہی کرݨ، ڳولݨ، کڈھݨ اتے پراسیسنگ اچ طویل مدتی شراکت داری کیتے ہک اینکر پوزیشن ٻݨاوݨ شامل اے۔ ایں توں علاوہ، ٻئے فریق جدید فنانسنگ تے ڈیجیٹل حل وی ڳولیسن جیندے نال اہم معدنیات دی ٹوکنائزیشن، عالمی سرمایہ کاراں کوں پاکستان دی معدنی دولت اچ حصہ ڳھنݨ دے قابل بݨاوݨ اتے انہان شعبیاں اچ شفافیت، لیکویڈیٹی اتے قدر دی تخلیق کوں ودھیسی۔ ایویں ہی نیشنل لاجسٹک کارپوریشن آف پاکستان Mota-Engil گروپ نال ہک مفاہمت دی یادداشت تے دستخط کیتن۔ پاکستان اچ مواقع دے موجودہ سروے دا مقصد ترجیحی مارکیٹاں دی نشاندہی کرݨ اے جتھاں Mota-Engil حکومتی وژن تے نجی شعبے دے اقدامات نال رل سڳے۔ اے گروپ طویل مدتی شراکت داری دی کوشش کریندے جیہڑی اپنڑی عالمی معلومات توں فائدہ چاوݨ آلی مقامی طور تے ملازمتاں دی تخلیق، ٹیکنالوجی دی منتقلی، تے پائیدار ترقی دے ذریعے قدر پیدا کریندی اے۔ وفد دا دورہ اتے دستخط کیتاں مفاہمت دیاں یادداشتاں، کان کنی تے لاجسٹکس دے شعبیاں اچ عالمی سرمایہ کاری کوں متوجہ کرݨ کیتے پاکستان دیاں کوششاں کیتے ہک اہم سنگ میل ثابت تھیسن۔