پی ڈی ایم اے پنجاب دا دریائے ستلج اتے رودکوہیاں اچ اُچّے درجے دے سیلاب دا الرٹ جاری

لاہور۔9ستمبر (اے پی پی) پی ڈی ایم اے پنجاب دریائے ستلج اتے رودکوہیاں اچ اُچّے درجے دے سیلاب دا الرٹ جاری کر ݙتا، دریائے ستلج گنڈا سنگھ والا دے مقام تے اُچّے درجے دا سیلاب برقرار رہسی۔ ڈی جی پی ڈی ایم اے عرفان علی کاٹھیا دے مطابق، آندے 36 گھنٹیاں اچ ݙیرہ غازی خان اتے راجن پور دے رودکوہیاں اچ اچانک سیلاب دا خطرہ اے۔ انہاں آکھیا جو لوکل گورنمنٹ، محکمہ زراعت، محکمہ آبپاشی، محکمہ صحت، محکمہ جنگلات، لائیو سٹاک اتے محکمہ ٹرانسپورٹ کوں الرٹ جاری کر ݙتا ڳئے۔ انہاں آکھیا جو ایمرجنسی کنٹرول رومز اچ سٹاف الرٹ اے، عوام جاری کیتی ڳئی احتیاطی تدابیر تے عمل کرن اتے ہنگامی انخلاء دی صورت اچ انتظامیہ نال تعاون کرن۔ انہاں دا آکھݨ ہا جو شہری ایمرجنسی دی صورت اچ پی ڈی ایم اے دی ہیلپ لائن 1129 تے رابطہ کر سڳدن۔