سنگاپور دا پاکستان اچ چھل توں متاثر تھیوݨ آلے لوکاں کیتے 50 ہزار ڈالر امداد دا اعلان

سنگاپور۔12ستمبر (اے پی پی) سنگاپور پاکستان اچ اڄوکی تباہ کن چھل دے متاثرین کیتے 50 ہزار امریکی ڈالر دی انسانی ہمدردی اُتے مبنی امداد ݙیوݨ دا اعلان کیتے، اے امداد چھل توں متاثرہ خانداناں اتے کمیونٹیز دی بحالی اتے ریلیف سرگرمیاں اچ مدد کیتے ݙتی ویسی۔ سنگاپور دی وزارت خارجہ موجب حکومت ولوں اے رقم “سنگاپور ریڈ کراس” (ایس آر سی) دی فنڈ ریزنگ مہم کیتے “سیڈ منی” دے طور اُتے ݙتی ویسی جیڑھی گزریل ہفتے پاکستان اچ چھل متاثرین دی مدد کیتے شروع کیتی ڳئی ہئی۔ ایس آر سی آپ وی 50 ہزار سنگا پورین ڈالر ݙیوݨ دا اعلان کیتے تاں جو وختی انسانی لوڑھاں پوریاں کیتیاں ونڄ سڳن۔ وزارت خارجہ آکھیے جو سنگاپور حکومت دی شراکت ایس آر سی دے 50 ہزار سنگا پورین ڈالر امداد دے عہد کوں مزید تکڑا کریسی تاں جو متاثرہ لوکاں دی وقتی لوڑھاں پوریاں کیتیاں ونڄ سڳن۔ وزارت خارجہ مزید آکھیا جو سنگاپور متاثرہ خانداناں نال ہمدردی کریندے۔