اسلام آباد۔18اکتوبر (اے پی پی) وفاقی وزیر اطلاعات تے نشریات عطاء اللہ تارڑ نال پاکستان اچ روس دے سفیر البرٹ پی خوروف ملاقات کیتی اتے ݙو پاسہ تعلقات، شمالی علاقہ جات دی قدرتی خوبصورتی، سیاحت دے فروغ اتے میڈیا تعاون دے مختلف پہلوواں تے ڳالھ مہاڑ کیتی۔ ملاقات اچ قومی خبر رساں ادارہ ایسوسی ایٹڈ پریس آف پاکستان کارپوریشن (اے پی پی) اتے روس دی Sputnik نیوز ایجنسی دے وچال …
وفاقی وزیر اطلاعات عطاء اللہ تارڑ نال روس دے سفیر البرٹ پی خوروف دی ملاقات، ݙو پاسہ تعلقات، شمالی علاقہ جات دی قدرتی خوبصورتی، سیاحت دے فروغ اتے میڈیا تعاون تے ڳالھ مہاڑ
مزید خبراں
اسلام آباد۔18اکتوبر (اے پی پی) وفاقی وزیر اطلاعات تے نشریات عطاء اللہ تارڑ نال پاکستان اچ روس دے سفیر البرٹ پی خوروف ملاقات کیتی اتے ݙو پاسہ تعلقات، شمالی علاقہ جات دی قدرتی خوبصورتی، سیاحت دے فروغ اتے میڈیا تعاون دے مختلف پہلوواں تے ڳالھ مہاڑ کیتی۔ ملاقات اچ قومی خبر رساں ادارہ ایسوسی ایٹڈ پریس آف پاکستان کارپوریشن (اے پی پی) اتے روس دی Sputnik نیوز ایجنسی دے وچال مفاہمت دی یادداشت دے علاوہ پاکستان ٹیلی ویژن (پی ٹی وی ورلڈ) اتے آر ٹی (رشین ٹی وی) وچال تعاون دے معاہدے کوں حتمی شکل ݙیوݨ تے وی ڳالھ تھئی۔ ایں موقع تے عوامی سطح دے تبادلہ پروگرام دے تحت ڈیجیٹل انفلوئنسرز اتے نینگراں تے مشتمل وفداں دے تبادلیاں نال متعلق تجاویز تے وی غور کیتا ڳیا۔ وفاقی وزیر اطلاعات آکھیا جو پاکستان اتے روس وچال آپس دے اعتماد اتے احترام تے مبنی سفارتی تعلقات قائم ہن۔ روس دے سفیر آکھیا جو پاکستان اچ شمالی علاقہ جات دی سیاحتی صلاحیت دنیا بھر دے سیاحاں کیتے پُرکشش اے، روسی سیاح پاکستان دے سیاحتی علاقیاں اچ خاص دلچسپی رکھیندن۔ انہاں آکھیا جو پاکستان اتے روس دے تعلقات کوں نویں جہتاں نال استوار کریندیں ہوئیں عملی شراکت داری اچ تبدیل کیتا ویسی۔ ݙوہیں رہنماواں میڈیا، ثقافت اتے سیاحت دے شعبیاں اچ ݙو پاسہ تعاون کوں فروغ ݙیوݨ تے وی اتفاق کیتا۔
