پارلیمان سارے مذہباں دے منݨ آلیاں وچال ہم آہنگی دے فروغ اچ آپݨا بھرپور کردار ادا کریندی راہسی، سپیکر قومی اسمبلی سردار ایاز صادق دا دیوالی دے موقع تے سنیھا

اسلام آباد۔20اکتوبر (اے پی پی) سپیکر قومی اسمبلی سردار ایاز صادق آکھیا جو رواداری، آپس دے احترام اتے برداشت تے مبنی معاشرہ ہی حقیقی ترقی دا ضامن اے، پارلیمان سارے مذہباں دے منݨ آلیاں وچال ہم آہنگی دے فروغ اچ آپݨا بھرپور کردار ادا کریندی رہسی۔ سنوار کوں دیوالی دے موقع تے آپݨے سنیھے اچ انہاں ہندو برادری توں تعلق رکھݨ آلے پارلیمنٹیرینز اتے پاکستان سمیت دنیا بھر دی ہندو برادری کوں دیوالی دی مبارکباد ݙتی اتے آکھیا جو دیوالی امن، محبت اتے روشنیاں دا تہوار اے، پاکستان اچ وسݨ آلے سارے مذہب دے منݨ آلیاں کوں برابر دے حقوق حاصل ہن، پارلیمان ملک اچ وسݨ آلے سارے مذہب دے منݨ آلیاں دے حقوق دے تحفظ کیتے پرعزم ہے، انہاں آکھیا جو قومی یکجہتی اتے مذہبی ہم آہنگی پاکستان دے استحکام تے ترقی دی ضامن ہن، پاکستان دا آئین اقلیتاں دے حقوق دے تحفظ دی ضمانت ݙیندے، پاکستان اچ ہر شہری کوں آپݨے مذہبی عقیدیاں اتے رسومات دے مطابق زندگی گزارݨ دی پوری آزادی حاصل اے، ملکی تعمیر تے ترقی اچ اقلیتی برادری دا کردار تعریف دے لائق اے۔